Fotballgruppa i Solid er like gamal som sjølve idrettslaget, og er den einaste gruppa som har hatt samanhengande drift like fram til i dag. Frå slutten av 1960-talet kom dei unge med. Solid stilte med lilleputtlag, smågutelag, gutelag og juniorlag i seriespelet til Sunnhordland Fotballkrins. I 1980 kom jentene med, og i perioden 1987 til 1998 herja damelaget til Solid rundt på dei fleste fotballbanar på Vestlandet. Dei var mest uslåelege.  
 
Det må finnast mykje bilete etter all denne fotballspelinga, og me ønskjer oss så mange bilete som mogeleg å velja i til boka vår. Gjerne lag- og kampbilete, bilete frå lokale fotballturneringar og -cupar, Norway cup og Dana cup, eller bilete frå jubileum og festar i lagshuset, og andre spesielle hendingar som grasbaneopninga i Hustredalen i 1970, opninga av den utvida grasbanen i 1980 og kunstgrasbanen i 2003.
 
Fotografer gjerne bileta av med mobilen din og send dei som facebook-melding eller e-post til Grethe Fadnes  eller Asbjørn Aasheim.

Skriv ein kort tekst og legg ved, så mykje de veit om årstal, namn på personar og eventuell hending.